Pinasinayaan ni Parañaque City Mayor Eric Olivarez ang bagong-gawang Sitio Pag-Asa Child Development Center at Multi-Purpose Hall sa Barangay San Martin De Porres.
Ayon sa punong lungsod, ang nasabing day care center ay isa lamang sa walong day care centers sa Barangay San Martin De Porres, at ito ay kasama sa 135-day care centers sa lungsod ng Parañaque.
Kabilang din sa prayoridad ng lokal na pamahalaan ang pagpapaayos at pagtatayo ng mga karagdagang gusali sa mga paaralan, pamamahagi ng monthly allowance sa mga mag-aaral sa kindergarten hanggang senior high school sa mga pampublikong paaralan, at pagkakaloob ng College Educational Financial Assistance Program. | ulat ni Janze Macahilas
