Muling tiniyak ng Pamahalaan ng India ang kanilang kahandaang tumulong sa Pilipinas para palakasin at tiyakin ang isang ligtas na maritime environment
Ito ang inihayag ni Indian Ambassador to the Philippines Shambhu Kumaran makaraang magsagawa ito ng courtesy call kay Philippine Coast Guard Commandant, Adm. Artemio Abu.
Tinalakay sa pagpupulong ang pakikipagtulungan at kolaborasyon ng Coast Guard sa Embahada ng India sa Pilipinas, partikular sa maritime preparation at pagpapatatag ng secure maritime environment.
Kasunod nito, nagkasundo rin ang dalawang opisyal sa pagtatatag ng mga prayoridad, kapabilidad, awtoridad at limitasyon gayundin ang mga proseso sa pagpapakalat ng kamalayan at pagpapatupad ng batas.
Inilatag din ng dalawang opisyal ang mga posibleng proseso sa pagpapalitan ng mga datos at pagtukoy sa mga banta. | ulat ni Jaymark Dagala
📸: PCG
