Nakamit ng Philippine Reclamation Authority (PRA) ang isang napakalaking karangalan bilang no. 1 sa Top 20 Most Profitable Companies in the Philippines para sa taong 2023.
Ayon sa PRA, sa ilalim ng malinis na pamumuno, ang nasabing tagumpay ay bunga ng walang sawang dedikasyon ng PRA Board of Directors at Management, na patuloy na nagsusumikap para sa kahusayan at integridad, na naging huwaran ng government-owned and controlled corporations (GOCCs).
Lubos naman ang pasasalamat ni PRA Chairperson Alex Lopez kay Pangulong Ferdinand R. Marcos Jr., para sa matalinong pamumuno at malinaw na layunin para sa Bagong Pilipinas.
Nagsilbi din umanong inspirasyon ang Pangulo sa PRA, para maglingkod ng tapat at maayos para sa kapakanan ng bawat Pilipino. | ulat ni Lorenz Tanjoco