Hindi na lang Metro Manila Development Authority (MMDA) ang magsasagawa ng clearing operations, partikular sa mga Lungsod ng Pasig, Marikina, Mandaluyong, at San Juan.
Ito ay matapos kumpirmahin ni MMDA Special Operations Group-Strike Force Chief Gabriel Go na makikipagtulungan na rin sa kanila ang Eastern Police District (EPD).
Ayon kay Go, mismong EPD ang nag-alok na sumama sa mga operasyon laban sa mga iligal na nakaparadang sasakyan at iba pang sagabal sa mga lansangan.
Aminado ang opisyal ng MMDA na malaking tulong ito sa kanilang hanay, lalo’t may mga pagkakataong nagiging marahas ang ilan sa kanilang nasisita sa operasyon. | ulat ni Diane Lear
