Nakatutok pa rin ang Philippine Institute of Volcanology and Seismology (PHIVOLCS) sa aktibidad ng Bulkang Taal sa Batangas.
Sa inilabas na bulletin ng PHIVOLCS, may naitalang maliit na phreatic eruption sa bulkan sa nakalipas na 24-oras at tumagal ito ng apat na minuto.
Nagkaroon din ng dalawang volcanic earthquakes kabilang ang isang volcanic tremor na tumagal ng 91 minuto.
Naitala naman sa 407 na toneladang volcanic sulfur dioxide (SO2) gas o asupre ang inilabas ng Bulkang Taal.
Ayon sa PHIVOLCS, nasa katamtaman ang naobserbahang pagsingaw sa bulkan na may 2,100 metrong taas.
Nananatili pa rin sa Alert Level 1 ang Bulkang Taal. | ulat ni Merry Ann Bastasa
