Dapat maisip ni Bise Presidente Sara Duterte ang obligasyon nito sa bansa.
Ito ang sinabi ni Palace Press Officer at PCO Undersecretary Atty Claire Castro sa gitna aniya ng tungkulin ni VP Sara bilang Bise Presidente.
Ayon kay Castro, dapat maisip ng Vice President na kailangan siya ng Pilipinas bilang ikalawang pinakamataas na pinuno ng bansa.
Sa gitna nito ay nauunawaan naman aniya nila ang Pangalawang Pangulo at katanggap – tanggap ang sitwasyon at nararamdaman nito sa kasalukuyan.
Ganunpaman, dapat aniyang maalala ng Bise ang mga Pilipinong bumoto sa kaniya na kailangan niyang mabigyan ng serbisyo at mapagsilbihan. | ulat ni Alvin Baltazar
