Nakumpleto ng National Task Force West Philippine Sea (NTF-WPS) ng kanilang Inter-Agency Maritime Operation sa PAGASA Cay 1, 2, at 3.
Ito ay ang ang mabababaw na bahura o pulo na binubuo ng mga durog na coral reef.
Binubuo ito ng apat na composite teams sa pagtutulungan ng Philippine Navy, Philippine Coast Guard (PCG), at ng Philippine National Police (PNP) Maritime Group.
Sa kasagsagan ng operasyon, naobserbahan ng mga lupon ang presensya ng China Coast Guard vessel na may bow no. 5102 sa layong isang-libong yarda silngan ng Cay 2.
Bukod dito, iniulat din ng Task Force na mayroon pang pitong Chinese Maritime Military Vessels din ang namataan malapit sa Cay 2 at Cay 3.
Binigyang-diin ng Task Force na patunay lamang ang isinagawa nilang operasyon ng hindi matatawarang dedikasyon at pangako ng pamahalaan na ipaglaban ang soberaniya, karapatan, at hurisdiksyon sa West Philippine Sea. | ulat ni Jaymark Dagala
