Sa ulat ng Philippine Drug Enforcement Agency, kabilang sa mga nahuli ang drug den maintainer, isang babae, at isa pang lalaki.
Nakumpiska mula sa kanila ang illegal drugs na nagkakahalaga ng Php 136,000, mga drug paraphernalia, cellphone, at buy bust money.
Mula noong Abril ngayong taon, isinailalim na sa surveillance operation ang nabanggit na lugar.
Sa tulong ng Philippine National Police, ikinasa ng PDEA ang buy bust operation at matagumpay na nadakip ang mga drug personality.
Nakakulong na ang tatlo sa PDEA Jail Facility sa Pampanga, habang inihahanda ang kaso laban sa kanila dahil sa paglabag sa Republic Act 9165. | ulat ni Rey Ferrer
