Huli sa ikinasang entrapment operations ng Quezon City Criminal Investigation and Detection Unit (CIDU) at CIDG-National Capital Region ang dalawang Vietnamese na nagpapanggap na doktor.
Ayon kay CIDG NCR Chief, Police Colonel Marlon Quimno, naaresto ang mga suspek sa isang Beauty Lounge sa Bel-Air Village, Makati City nitong Hunyo 16, 2025.
Huli sa akto ang 2 Vietnamese nagsasagawa ng medical consultation at nagbibigay pa ng quotation para sa nose augmentation at body parts modification procedures.
Napag-alaman naman na wala silang permit o license registration sa Professional Regulation Commission (PRC), kaya maituturing na illegal ang kanilang ginagawa.
Nahaharap ngayon ang mga suspek sa paglabag sa Republic Act 4224 o The Medical Malpractice Act of 1959. | ulat ni Jaymark Dagala
