Opisyal nang sinimulan ng Bacolod City Police Office (BCPO) sa pangunguna ni BCPO Director Police Colonel Joeresty Coronica ang pagpapatuloy ng Regular Physical Conditioning Program o Pulisteniks sa BCPO Covered Gym.
Ang inisyatibo ay naglalayong isulong ang holistic wellness ng mga personnel ng BCPO na nakatuon hindi lamang sa physical fitness pati na rin sa mental resilience ng kapulisan.
Naniniwala ang BCPO, na kung healthy at fit ang kapulisan mas magagampanan nila ang kanilang tungkulin sa komunidad lalo na sa pagpapatupad ng batas.
Ang Regular Physical Conditioning Program ng BCPO ay gaganapin tuwing Martes at Huwebes.
Ang pakiiisa ng BCPO sa weight loss program ay pagtalima sa direktiba ni PNP Chief Nicolas Torre III, na dapat magpapayat ang mga overweight na pulis. | ulat ni Paul Tarrosa, Radyo Pilipinas Iloilo
📷 BCPO
