Iba’t ibang trabaho sa public healthcare sector ang alok ng Department of Health (DOH) sa binuksan nitong Nationwide Job Fair 2025 simula ngayong araw.
Nasa 12 participating malls ang ka-partner ng DOH kung saan sa Metro Manila, ang job fair ay ongoing sa SM City Grand Central sa Caloocan.
Higit 1,800 na mga bakanteng posisyon kabilang ang mga doktor, nars, medical technologist, administrative staff, at iba pang healthcare-related roles ang bubuksan sa job fair.
Sa SM City Grand Central, ang mga bakanteng posisyon ay mula sa DOH, attached agencies nito at ilang government hospitals gaya ng San Lazaro Hospital, Dr. Jose Fabella Memorial Hospital, Philippine Heart Center at Lung Center of the Philippines. | ulat ni Merry Ann Bastasa
