📷PDEA
Isang pakete ng hinihinalang cocaine na nakabalot sa duct tape at scotch tape at may tatak na “COCA RACING” ang nadiskubre ng isang 30-taong gulang na mangingisda mula Barangay Dilam, Calayan.
Ayon sa PDEA, matapos itong iulat ng mangingisda sa Philippine Coast Guard, agad ding nai-turnover ito sa PDEA Region 2 kahapon, June 22.
Tinatayang isang kilo ang bigat ng naturang droga na may halagang P5.3 milyon.
Nakatakda namang isailalim sa chemical analysis ang naturang kargamento. | ulat ni Merry Ann Bastasa
