Wala pang nakikitang dahilan si Pangulong Ferdinand R. Marcos Jr. na magkasa ang gobyerno ng mandatory repatriation para sa mga kababayan nating naipit sa giyera ng Israel at Iran.
Sa media interview kay Pangulong Marcos, sinabi nitong ipinauubaya nila ang pagpapasiya sa ating mga kababayan kung uuwi sila o mananatili sa Israel o Iran.
Ang ginagawa nila ngayon sabi ng Pangulo ay kino-contact ang ating mga kababayan sa dalawang nabanggit na bansa, at tinatanong kung nais nilang mag-evacuate.
Ang problema lang sabi ng Pangulo sa pag-evacuate ay maraming saradong paliparan, kaya’t naghahanap aniya ang gobyerno ng ruta kung paano mailalabas ang ating mga kababayan.
Sa ngayon ay papunta na aniya sa Jordan si Department of Migrant Workers (DMW) Secretary Hans Leo Cacdac, upang mai-coordinate ang mga evacuee mula Israel at Iran. | ulat ni Alvin Baltazar
