Kinumpirma ng Armed Forces of the Philippines (AFP) na may binuo nang Special General Court Martial para dinggin ang kaso ng sekswal na pang-aabuso ng isang 2-star Air Force general laban sa dalawang Junior officer nito.
Ayon kay AFP Spokesperson, Col. Francel Margareth Padilla, kasabay ito ng paglilitis naman ng regular na hukuman batay sa kasong isinampa rito ng mga biktima.
Kasalukuyang naka-house arrest ang naturang opisyal na napaulat na nasa loob ng kaniyang quarters sa Basilio Fernandro Air Base sa Lipa City sa Batangas.
Tiniyak naman ni Padilla na makikipagtulungan ang AFP sa hukumang-sibil bilang bahagi ng kanilang pangako na paghahatid ng ganap na katarungan para sa mga biktima. | ulat ni Jaymark Dagala
