Nasa P1.15 milyon na halaga ng shabu ang nakumpiska sa ikinasang buybust operation sa Brgy. Calaparan Arevalo, Iloilo City, 7:35 ngayong gabi.
Arestado ng Regional Police Drug Enforcement Unit 6 at Arevalo PNP si Wenchel Provido alyas Tagoy, 37 taong gulang at residente ng Brgy. Zamora, Iloilo City.
Nakumpiska sa subject ang 170 gramo ng shabu na nagkakahalag ng P1,156,000.
Sa monitoring ng kapulisan, high value target si Provido.
Kasong paglabag sa Republic Act 9165 dahil sa iligal na droga ang kakaharapin ng suspek. | ulat ni Paul Tarrosa| RP1 Iloilo
