Pinakokonsidera ni Camarines Sur Rep. LRay Villafuerte na mapaaga ang planong joint maritime patrol sa pagitan ng Pilipinas, US at iba pang kaalyadong bansa.
Kasunod ito ng pambobomba ng tubig ng Chinese Coast Guard at civilian vessel na magdadala ng suplay para sa mga sundalong nakadestino sa Ayungin Shoal.
Batay sa naunang pahayag ng National Security Council, posibleng maisakatuparan ang joint patrol bago matapos ang taon.
Ngunit para kay Villafuerte, mas mainam na ngayon na isagawa ang pagpapatrolya dahil na rin sa lumalalang panggigipit ng China.
“Our NSC (National Security Council) expects the proposed maritime patrols with the US to begin happening before the year is over. Under the circumstances, it is my hope that such joint sails can start much sooner and possibly include other allied nation that have similarly condemned China’s illegal maneuvers and strive for peace and stability in the crucial international waterway,” sabi ni Villafuerte.
Ipinunto pa ng mambabatas na ang patuloy na pananatili ng Chinese military at paramilitary ships sa katubigang sakop ng Pilipinas ay nagpapakita na hindi na epektibo ang diplomasya at wala nang bigat ang diplomatic protests at note verbal na ipinapadala ng Pilipinas sa China. | ulat ni Kathleen Jean Forbes
