On-track ang mga proyekto ng pamahalaan para sa flood control, at patuloy na tinututukan ng gobyerno ang problema sa pagbaha ng iba’t ibang lugar sa bansa.
Sa press briefing sa Malacañang, sinabi ni DPWH Secretary Manuel Bonoan, na bagama’t mayroong ilang flood control projects ang na-delay dahil sa iba’t ibang dahilan, tulad ng sama ng panahon, maliliit lamang ang mga proyektong ito.
“I can admit that there are some projects that had been delayed actually maliliit lang naman but most of them are ongoing right now.” — Secretary Bonoan.
Ngayong 2023 aniya, nasa P180 bilyon ang kabuuuang halaga ng inilaang pondo para sa mga imprastruktura at pasilidad na tutugon sa pagbaha sa iba’t ibang lugar sa bansa.
Siniguro ng kalihim, na karamihan sa mga programang nasa ilalim ng 2023 national budget ay ongoing na. Mayroon aniya silang dalawang taon para isakatuparan ang mga ito.
“I think they have quoted, total amount of about 180 billion pesos – iyong amount na iyan is distributed all over the country and they are ongoing and they are on-track actually. Wala namang…doon kasi sa budget namin we have two years actually to implement all these projects – these are online naman.” — Secretary Bonoan.
Habang ang ilang proyekto naman na naantala ay kayang habulin sa loob ng dalawang taon.
“You cannot just avoid actually kasi iyong flood control projects in some areas actually mayroon namang mga issues on right-of-way, acquisition ng areas and well some of the weather disturbances and things like these but these are but natural kuwan naman at you can cope up within the next two years or so.” — Secretary Bonoan. | ulat ni Racquel Bayan
