Lumagda ang Department of Trade and Industry at ang Bangsamoro Ministry of Trade, Investments, and Tourism ng isang Memorandum of Agreement na magtitiyak sa pagkakaroon ng economic growth at development sa rehiyon.
Binigyang diin ni DTI Secretary Alfredo Pascual na layon ng nasabing kasunduan na maisulong ang business development sa mga targeted areas sa Bangsamoro Region.
Positibo naman si BARMM Chief Minister Ahod Ebrahim na ang nasabing kasunduan ay magbibigay ng pag-unlad sa rehiyon at magpapataas sa kita at magbibigay ng kabuhayan sa mga mamamayan ng Mindanao.
Target ng nasabing partnership na matulungan ang higit 100 MSMEs na mabigyan ng capacity building, business counselling, at mentorship upang maging Halal practitioners. | ulat ni Gab Villegas
📷: DTI
