Base sa pinakahuling situational report ng Office of Civil Defense o OCD Caraga, aabot sa 70,195 pamilya o 288,061 indibidwal sa rehiyon ang naapektuhan ng magnitude 7.4 na lindol at sunod-sunod na aftershocks.
Mayroon ding 17,203 pamilya o 67,557 indibidwal ang kasalukuyang nasa evacuation centers partikular na sa Surigao del Sur at Agusan del Norte.
Napag-alaman din na ang kabuuang bilang ng mga nasirang bahay sa Caraga ay 845, kung saan 102 ang totally damaged at 743 ang partially damaged.
Samantala, suspendido rin ang klase at trabaho ngayong araw sa rehiyon alinsunod sa abiso na inilabas ng mga lokal na pamahalaan.
Patuloy pa rin ang pagsagawa ng monitoring at assessment sa mga member agencies ng Caraga Regional Disaster Risk Reduction and Management Council sa kanilang area of responsibility. | ulat ni Jezreel Sudario | RP1 Butuan
