Inaasahan na ng Parañaque Integrated Terminal Exchange o PITX na posibleng umabot sa 1.5 milyon ang mga pasaherong dadagsa sa terminal upang mag-bakasyon ngayong Pasko at Bagong Taon.
Ayon kay PITX Corporate Affairs and Government Relations Head Jason Salvador, inaasahan na nilang aabot sa 1.3 hanggang 1.5 milyong pasahero ang daragsa sa kanilang terminal mula Disyembre 15 hanggang 29.
Dagdag pa ni Salvador na posible pa itong mapaaga depende sa sitwasyon ng mga pasahero.
Ani pa ni Salvador na patuloy ang kanilang pakikipag-ugnayan sa iba’t ibang ahensya ng pamahalaan upang umagapay sa ilalatag nilang contingency plan kung sakaling kapusin ang mga bus na ide-deploy ngayong holiday season. | ulat ni AJ Ignacio
