𝐏𝐂𝐆, 𝐍𝐀𝐆𝐒𝐀𝐆𝐀𝐖𝐀 𝐍𝐆 𝐒𝐄𝐀𝐑𝐂𝐇 𝐀𝐍𝐃 𝐑𝐄𝐒𝐂𝐔𝐄 𝐌𝐈𝐒𝐒𝐈𝐎𝐍 𝐒𝐀 𝐍𝐀𝐖𝐀𝐖𝐀𝐋𝐀𝐍𝐆 𝐇𝐄𝐋𝐈𝐂𝐎𝐏𝐓𝐄𝐑 𝐒𝐀 𝐏𝐀𝐋𝐀𝐖𝐀𝐍

Nagsagawa ng search and rescue mission ang Philippine Coast Guard (PCG) kaugnay sa napaulat na nawawalang helicopter.

Ayon kay Rear Admiral Armard Balilo, tagapagsalita ng PCG, nakipag-ugnayan na ang Philippine Aeronautical Rescue Coordination Center (PARCC) sa PCG hinggil sa ulat na nawawala ang isang “yellow bee” helicopter na may tail number N45VX, na may lulang apat na indibiwal, kasama na ang piloto, 1 pasyente at 2 kaanak ng pasyente.

Base sa paunang impormasyon, may sinundong pasyente ang helicopter sa bahagi ng Mangsee Island, Miyerkules ng umaga.

Nawalan ito ng signal bandang 12:10 ng tanghali habang patungo sa Brookes Point Palawan.

Ayon pa kay Balilo, isinagawa ang search and rescue sa katubigan ng Brooke’s Point, Balabac, Palawan habang ipagpapatuloy naman ang search and rescue mission sa nawawalng helicopter sa Huwebes. | ulat ni Paula Antolin