Binuksan na ng Civil Service Commission (CSC) ang application period para sa mga nais kumuha ng Basic Competency on Local Treasury Examination (BCLTE).
Sa abiso ng CSC, tatanggap ito ng aplikasyon para sa exam hanggang sa susunod na buwan, April 12.
First-come, first-served basis ang paiiralin dito kaya naman ngayon pa lang ay hinihikayat na ng CSC ang mga interesado na maagang magsumite ng kanilang aplikasyon sa CSC Regional o Field Office (CSC RO/FO)
Magkakaroon naman ng 16 na testing centers para sa naturang pagsusulit na itinakda sa June 11, 2023. | ulat ni Merry Ann Bastasa
