Arestado ang isang lalaki sa Barangay San Jose, Navotas City matapos itong mahulihan ng baril at iligal na droga.
Kinilala ni Police Col. Allan Umipig, hepe ng Navotas City Police Station, ang nahuling suspect na si alyas “Jay-R Toyo”.
Sa ikinasang buy bust operation ng mga pulis, nasabat ang 13 plastic sachet ng hinihinalang shabu na may halagang ₱ 238,000.
Bukod pa rito, narekober din ang isang revolver at apat na mga bala.
Nahaharap ang suspect sa mga kasong paglabag sa Comprehensive Dangerous Drugs Act of 2002 at Illegal Possession of Firearms. | ulat ni Bernard Jaudian Jr.
