Umabot sa halos apat na tonelada o 3.7 tons ng ilegal na droga ang sinunog ng Philippine Drug Enforcement Agency (PDEA) sa isang waste facility sa Trece Martires City sa lalawigan ng Cavite kahapon.
Ayon kay PDEA Director General Virgilio Lazo, ang naturang timbang ng ilegal na droga ay nagkakahalaga ng aabot sa 20 bilyong piso mula sa mga nasabat ng PDEA sa iba’t ibang anti-drug operation campaign ng pamahalaaan.
Dagdag pa ni Lazo na ito na ang isa sa pinakamalaking susunugin ng PDEA sa kanilang kasaysayan mula nang itinatag ang ahensya noong 2002.
Saad pa ni Lazo na hindi lang siya ang dapat mabigyan ng credit sa naturang achievement ng PDEA dahil malaki rin ang naging bahagi ng nakaraang administrasyon sa mga nasabat na ilegal na droga sa iba’t ibang bahagi ng bansa. | ulat ni Arrian Jeff Ignacio
?: PDEA
