Pansamantalang nananatili sa gymnasium ng Bgry. Don Galo Parañaque City ang mga biktima ng sunog.
Nagtayo ng modular tent at agad silang binigyan ng barangay ng hygiene kit, first aid kit, pagkain, unan at kumot.
Dalawang sunog ang halos magkasabay na sumiklab sa lugar na ilang kanto lamang ang pagitan.
Una sa Ferrer compound na umabot sa unang alarma at sumunod sa Clemente Compound kung saan tinatayang nasa 30 pamilya ang apektado.
Patuloy na inaalam ng mga awtoridad ang sanhi at halaga ng pinsala sa sunog. | ulat ni Don King Zarate
