Bumubuo na ng Guidelines ang Department of Foreign Affairs (DFA) para sa Joint Patrol efforts sa West Philippine Sea (WPA) kautwan ang ibang bansa na naghayag ng supporta.
Ayon kay DFA Spokesperson Teresita Daza, layon ng naturang guidelines na magkaroon ng joint patroling katuwang ang ibang bansa na nagpahayag ng supporta sa maritime security ng bansa kabilang dito ang bansang Japan, Australia, at Estados Unidos.
Ito’y kaugnay sa kabi-kabilang pambu-bully ng Chinese Coast Guard sa Philippine Coast Guard (PCG) sa Ayungin Shoal pagpasok nito sa Exclusive Economic Zone ng ating bansa.
Dagdag pa ni Daza na nais ng mga naturang mga bansa na isulong ang peace and stability sa Indo-Pacific Region. | ulat ni Arrian Jeff Ignacio
