Kailangan pang palakasin ang kakayahan ng bansa na tumugon sa mga sakuna.
Ito ang inihayag ni Department of National Defense (DND) Officer in Charge Sr. Undersecretary Carlito Galvez Jr. kasabay ng pagpuri sa Philippine Inter-Agency Humanitarian Contingent, na tumulong sa mga biktima ng lindol sa Turkiye.
Ayon sa kalihim, ang Pilipinas ay hindi nauubusan ng mga magigiting na indibidwal na walang takot na humaharap sa panganib para makatulong sa kapwa.
Paalala ng kalihim, ang nangyaring lindol sa Turkiye at Syria ay isang trahedya na maaari ding mangyari sa Pilipinas.
Kaya hindi aniya dapat magpakampante, at patuloy na pahusayin ng bansa ang kakayahan sa disaster prevention, mitigation, response, rehabilitation, at recovery efforts.
Regular na nagsasagawa ng Nationwide Simultaneous Earthquake Drill ang pamahalaan, bilang paghahanda sa tinaguriang βthe big oneβ o malakas na lindol sa Luzon, na maaring mangyari anumang araw dulot ng pagkilos ng west valley fault. | ulat ni Leo Sarne
