Naghanda ng pabuya ang Pasay LGU kung sinuman ang makapagtuturo ng kinaroroonan o mahalagang impormasyon sa kinaroroonan ng 10 pugante sa Malibay Police Station.
Ayon kay Pasay City Mayor Emi Calixto-Rubiano 30,000 pesos kada pugante ang kanilang pabuya.
Samantala, binigyan ni Mayor Emi ng 24 oras na palugit ang Pasay Police Station upang maaresto ang mga nakatakas.
Alas-4:30 kaninang madaling araw nang tumakas ang 10 nakakulong sa Malibay Pasay Police Station kung saan sapilitang kinuha ang baril at susi at sinaktan ang Jailer. | ulat ni Don King Zarate
