Nakauwi na sa Pilipinas ang nasa 72 overseas Filipino workers (OFWs) na na-repatriate mula sa bansang Sudan.
Sinalubong ito ng mga kawani mula sa Overseas Workers Welfare Administration (OWWA) at ng Department of Foreign Affairs (DFA).
Eksaktong 12:59 PM o halos ala-1 na ng hapon, lumapag sa Ninoy Aquino International Airport (NAIA) terminal 1 ang flight number SV 862 ng Saudia Airlines mula sa Jeddah.
Ang naturang OFWs ay makakatanggap ng financial assistance mula sa Department of Migrant Workers at OWWA, kabilang ang kanilang pamasahe papunta sa kani-kanilang uuwian. Ang susunod na batch ng mga OFW na uuwi mula sa Sudan ay mamayang 8:45 PM. | ulat ni AJ Ignacio
