Inanunsyo ng Embahada ng Pilipinas sa Saudi Arabia sa publiko ang pansamantalang schedule para sa ilang consular services.
Ayon sa abiso, ang mga sumusunod na consular services ay ibibigay lamang sa pamamagitan ng appointment mula ika-15 hanggang ika-19 ng Oktubre 2023, mula alas-8:00 ng umaga hanggang alas-12:00 ng tanghali.
Kabilang dito ang marriage application, report of marriage, report of birth, at notarials.
Bukod dito, ang Consular Section ay sarado sa publiko mula alas-1:00 hanggang alas-5:00 ng hapon sa mga nabanggit na petsa.
Upang magtakda ng appointment, mangyaring bisitahin ang website ng Embahada.
Magpapatuloy naman sa ika-22 ng Oktubre 2023 ang regular na oras ng operasyon ng nasabing consular section. | ulat ni EJ Lazaro
