Gagawin ngayong araw sa Underground River sa Puerto Princesa Subterranean River National Park and World Heritage Site ang shooting ng “collab” sa pagitan ng Puerto Princesa City Tourism Office at TV host, actress, dancer, at social media influencer na si Regine Tolentino.
Ayon kay City Tourism Promotions Division Chief Michie Meneses, magkakaroon ng collaboration sa pagitan nila kasama si Tolentino para sa isang content ng lokal na tanggapang pang-turismo.
Dumating kahapon sa lungsod ng Puerto Princesa si Tolentino at kaniyang pamilya na masaya namang sinalubong ng pamunuan ng City Tourism Office sa pangunguna ni City Tourism Officer Demetrio C. Alvior.
Nakisayaw rin ang aktres ng Solteros ng Banwa Dancers ng siyudad na kalimitang isinasayaw sa pagsalubong sa mga bisita ng lungsod. | ulat ni Gillian Faye Ibañez | RP1 Palawan
Photo: City Tourism Office and PPSRNP
