Muling naging maugong ang usap-usapan na may mga inisyatibong mapalitan na si Senate President Juan Miguel Zubiri.
Nang matanong ang mga senador, ilan sa kanila ang nagsabing wala naman silang naririnig na ganitong mga usap-usapan at wala ring umiikot na resolusyon o petisyon para mapalitan si Zubiri bilang lider ng senado.
Sa gitna nito, kinumpirma ng ilang senador na may pinaikot namang manifesto of support para para kay Senate President Juan Miguel Zubiri.
Samantala, pinabulaanan naman ni Senador Jinggoy Estrada ang mga bali-balitang isa siya sa mga inaalok na pumalit bilang Senate President.
Hindi rin aniya alam ni Estrada kung saan nanggagaling ang ganitong impormasyon.
Pinahayag rin ng senador na pipirmahan niya ang manifesto of support para kay SP Migz pero hindi pa ito nakakarating sa kanya.
Sa ngayon ay inaantabayanan pa ang magiging development ngayon sa sesyon ng Senado.| ulat ni Nimfa Asuncion
