Nakatakdang ipatawag sa Kamara ang mga toll operator ng expressways sa bansa matapos ang napaulat na aberya sa RFID system ng NLEX nitong Holy Week.
Ayon kay House Deputy Majority Leader Erwin Tulfo, kasunod ito ng mga ulat at reklamong natanggap ni Speaker Martin Romualdez matapos mauwi sa traffic congestion sa mga toll plaza nitong Holy Wendesday ang pagpalya ng RFID system.
“It is disheartening that during a time when our citizens seek ease and convenience in their journeys, they are instead met with long hours of delays and inconvenience due to the very automated systems designed to provide seamless toll collection. This also undermines the riding public who pay a premium to avoid traffic in other major thoroughfares but are met with heavy traffic in NLEX, SLEX and Skyway anyway,” sabi ni Tulfo.
Kaya naman nais aniya ni Speaker Romualdez na ipasilip ang operasyon at maintenance ng RFID ng mga tollway operator.
Ayon kay Tulfo, pinaiimbita ang mga opisyal ng concessionaires ng tollway facilities gaya ng NLEX Corporation at San Miguel Corporation Infrastructure upang maipaliwanag ang paulit-ulit na problema sa sistema at kung ano ang ginagawa nilang tugon para dito.
Kasama rin sa pinahaharap ang Toll Regulatory Board at DPWH.
Sabi pa ng ACT-CIS party-list solon na kung hindi mareresolba ang naturang isyu ay maaaring silipin at repasuhin ng Kongreso ang concession agreement ng tollway facility operators upang masiguro na nakakasunod pa sila sa obligasyon sa pamahalaan at mga motorista.
“Speaker Romualdez and the House of Representatives are committed to upholding the highest standards of infrastructure provision and service delivery. We urge the cooperation of stakeholders involved to work towards swift resolutions and the continuous improvement of our tollway operations for the benefit of all,” pagtiyak ng mambabatas.| ulat ni Kathleen Forbes
