Pormal nang hiniling ni Agriculture Secretary Francisco Tiu Laurel Jr. sa Bureau of Customs na i-release ang nakumpiskang 580 metric tons ng frozen mackerel.
Sa kanyang sulat na pinadala kay Customs Commissioner Bienvenido Rubio, hiniling nito na ipagkaloob sa DSWD ang shipment para magamit sa relief operations.
Sinabi ng kalihim na ligtas sa human consumption ang produkto batay sa pagsusuri ng Bureau of Fisheries and Aquatic Resources (BFAR).
Ang 21 container van na nakumpiska ay puno ng frozen mackerel at dumating sa Manila International Container Port noong October 1, 2024.
Kinumpiska ang shipment dahil sa kawalan ng kaukulang sanitary at phytosanitary import clearances. | ulat ni Rey Ferrer
