Aabot sa halos nasa 20,000 katao na ang pumasok sa Himlayang Pilipino sa Quezon City mula kaninang umaga hanggang ngayong hapon.
Pagtaya ni Engineer Michael Abiog, Operations Manager ng sementeryo, posible pang umabot hanggang 70,000 ang bibisita hanggang bukas.
Kahapon, may 22,000 katao ang nauna nang dumalaw sa kani-kanilang mga mahal sa buhay.
Marami din ang nagpalipas ng magdamag sa sementeryo at umaga na nang magsiuwian.
Ramdam na rin ang pagbagal ng usad ng mga sasakyan papasok sa loob at maging labas ng Himlayan.
Batay sa datos, mahigit 47,000 ang mga nakalibing sa Himlayang Pilipino. | ulat ni Rey Ferrer
