Nanawagan ang Office of Civil Defense (OCD) sa publiko na iwasan muna ang pagpunta sa mga lugar sa hilagang bahagi ng bansa na lubhang naapektuhan ng Bagyong Marce.
Ito ay matapos iulat ng Department of Public Works and Highways na maraming kalsada ang hindi madaanan dahil sa pinsalang dulot ng bagyo.
Kabilang sa mga kalsadang apektado ay ang ruta mula San Vicente hanggang Nakanmuan sa Sabtang, Batanes; at ang kalsada mula Junction hanggang Sta. Margarita Bolos Road sa Gattaran, Cagayan.
Isinara na rin kaninang umaga ang bahagi ng Manila North Road sa Pagudpud, Ilocos Norte, at isolated na ngayon ang dalawang sitio sa bayan ng Adams, matapos na daanan ng bagyo. | ulat ni Diane Lear
📷 OCD – FB: Civil Defense PH
