Tiniyak ni Customs Spokesman Assistant Commissoner Vincent Philip Maronilla ang komitment ng ahensya upang protektahan ang bansa laban sa smuggling ng agricultural products.
Sa ambush interview sa Manila International Container Port o MICP, sinabi ni Maronilla na mahalaga ang ginawa ngayon inspection ng pangulo sa mga nakumpiskang mga smuggled na frozen fish.
Aniya, dahil sa batas na Agricultural Economic Sabotage Act, mas nabigyan ng ngipin ang pagtugis nila sa mga smugglers.
Senyales anya ito na seryoso ang pamahalaan laban sa pagpupuslit ng nga ilegal na produkto.
Kaisa rin sila sa hangarin ng gobyerno na gawin mapababa ang presyong bilihin at gawing patas ang merkado para sa mga mamimiling Pilipino. | ulat ni Melany Reyes
