Magtataas ng alerto ang Civil Aviation Authority of the Philippines o CAAP kasabay ng pagdagsa ng mga pasahero at bakasyunista para sa Semana Santa.
Ayon sa CAAP, alinsunod ito sa direktiba ni Department of Transportation o DOTr Sec. Jaime Bautista kasabay ng kanilang Oplan Biyaheng Ayos: Semana Santa.
Itataas ang heightened alert simula Abril 2 o Palm Sunday hanggang Abril a-10 ng taong kasalukuyan na deklarado rin bilang holiday kasabay paggunita sa Araw ng Kagitingan salig sa holiday economics na itinakda ng pamahalaan.
Dahil dito, puspusan ang ugnayan ng CAAP sa iba’t ibang ahensya tulad ng PNP Aviation Security Unit, Office of Transport Security o OTS, Department of Tourism, Civil Aeronotics Board at mga airline company para tiyakin ang ligtas na biyahe.
Kasabay nito, nakatakda namang mag-ikot bukas ang mga opisyal ng Manila International Airpiort Authority o MIAA sa mga paliparan ng Maynila upang tingnan ang mga ginagawang paghahanda para sa pagdagsa ng mga pasahero. I via Jaymark Dagala
