Asahan pang papalo sa 43 degrees celcius ang heat index o “init factor” sa Catarman, Northern Samar ngayong araw.
Mula Abril 1 hanggang kahapon ay nakaranas ng matinding init o alinsangan ng panahon ang nasabing lalawigan na pasok sa “danger level” category.
Batay sa heat index forecast ng PAGASA, posible ding papalo sa 43 degrees celcius ang heat index sa lalawigan ng Aborlan sa Palawan ngayong araw.
Bukod pa dito ang apat pang lalawigan na makakaranas ng 42 degrees celcius heat index na pasok din sa danger level.
Kinabibilangan ito ng mga lalawigan ng San Jose Occidental Mindoro,
Puerto Princesa City, Palawan, Masbate City, Masbate at Dumangas, Iloilo .
Samantala, inaasahan naman ang “extreme caution level” heat index sa 59 na lalawigan, kabilang ang NAIA sa Pasay City at Science Garden sa Quezon City.
Posibleng makaranas ng heat stroke, heat cramps, at heat exhaustion ang sinumang mababad sa init ng araw.| ulat ni Rey Ferrer
