Sugatan ang isang motorcycle rider matapos maaksidente sa kahabaan ng Wack-Wack, Mandaluyong City.
Dakong ala-1:30 ng madaling araw kanina ay binabaybay ng 29 anyos na rider na si Aron Bonbon ang daan patungong San Juan City nang biglang magslide ang kanyang motor at sumemplang.
Ayon sa mga rumespondeng medic ng Wack-Wack, Mandaluyong, umamin sa kanila ang rider na nakainom at nakatulog kung kayaโt naaksidente ito.
Maswerteng galos lang sa katawan ang tinamo nito kaya hindi na nagpadala pa sa ospital. | ulat ni Janze Macahilas
