Bilang pagpupugay sa mga babae, maghahandog ng Libreng Sakay ang pamunuan ng Light Rail Transit o LRT line 2 bukas, Marso 8.
Ito’y kaalinsabay ng pagdiriwang ng International Women’s Day na nakapaloob sa Women’s Month tuwing buwan ng Marso.
Magsisimula ang libreng sakay mula alas-7:00 hanggang alas-9:00 ng umaga at masusundan naman dakong alas-5:00 ng hapon hanggang alas-7:00 ng gabi.
Samantala, aalis ang unang tren sa Recto Station at Antipolo Station ng 5:00 AM habang ang huling tren naman sa Antipolo Station ay aalis ng 9:00 PM at 9:30 PM sa Recto Station. | ulat ni Jaymark Dagala
