Muling kukuwestyunin ng Department of Justice (DOJ) ang mga suspek sa pagpatay kay Negros Oriental Governor Roel Degamo.
Ayon kay Justice Secretary Jesus Crispin Remulla, kukuhanan na ng abogado ang mga suspek.
Ang round 2 ng questioning ay para mas malinawan ang mga nabasang pahayag ni Remulla hinggil sa sinasabing video evidence ng gunman at ng mastermind ng pagpatay.
Matatandaang nakikita na ni Remulla ang katapusan ng kaso dahil sa kooperasyon ng mga suspek.
May tinitukoy na aniya ang mga suspek na malaking tao sa likod ng pamamaslang dahilan kaya kailangan muling sumailalim ang mga ito sa panibagong round ng pagtatanong. | ulat ni Lorenz Tanjoco
