Sa kulungan ang bagsak ng isang babaeng nasa wanted list ng mga awtoridad sa kanilang ikinasang manhunt operation sa Maynila.
Kinilala ang akusado na si Ma. Cricelmaine Aragon Y Sevilla, 27 taong gulang at nakatira sa Sta. Ana, Manila.
Dinakip si Aragon sa labas ng kanilang bahay sa bisa ng warrant of arrest na inisyu Hon. Lily Ann Marcos Padaen, para sa kasong paglabag sa R.A. 10175 o Cybercrime Prevention Act of 2012 at grave coercion.
Itinakda ng nasabing korte ang kabuuang P236,000 na piyansa sa dalawang kaso para sa pansamantalang kalayaan ng akusado. | ulat ni Janze Macahilas
