???. ?????, ????? ???????? ?? ???????? ?? ?????? ?? ?????????? ??? ???. ??????

Nilinaw ni House Committee on Public Order and Safety Chair Dan Fernandez na hindi imbitado sa ikakasang pagdinig ng komite hinggil sa pananambang kay Negros Oriental Governor Roel Degamo si Negros Oriental 3rd District Representative Arnulfo “Arnie” Teves.

Ayon sa kinatawan, mas nakatuon ang kanilang imbestigasyon sa security detail ni Gov. Degamo.

“…sa tanong mo kung maiimbitahan ni Congressman Teves, sa ngayon hindi namin siya iniimbitahan doon sa hearing kasi nga yung focus namin ay tungkol doon sa security na nagkaroon ng lapses sa kanilang trabaho. Out of six eh isa lang yung nandun. Somehow may basis yung sinabi ni Speaker. So we need to investigate that at baka may koneksyon ito sa mas malawak na problema ng ating PNP,” paliwanag ni Fernandez.

Bagamat hindi aniya malayo na mabuksan ang usapin ng pagkakadawit ni Teves sa kaso ni Degamo, binigyang diin nito na nananatiling inosente ang kasamahang mababatas hangga’t hindi nahahatulan ng korte.

Dagdag pa ng Laguna solon, kailangan nilang maging patas sa sitwasyon lalo at wala pa namang pormal na kasong inihahain kay Teves.

“I’m pretty sure baka ma-discuss din yan, but of course syempre alam naman natin na we have to balance everything eh. Kasi nga, presumed innocent siya until proven guilty at wala pa ngang napa-file na kaso so.. ano pa naman yan eh, collation all the evidences and then preliminary investigation. At korte naman ang maghahawak niyan,” dagdag ni Fernandez.

Ang imbestigasyon ng Kamara ay kasunod ng atas ni Speaker Martin Romualdez na silipin kung bakit wala ang security detail ni Degamo nung araw na tambangan ito.

Inihalintulad din ito sa nangyari kay dating AKO BICOL Party-list Rep. Rodel Batocabe na ni-relieve sa pwesto ang security detail nang araw na siya ang paslangin.

“What we’re after here sa hearing nato ay doon sa lapses ng ating mga security…kung pag-aaralan mo yung kaso ni [Congressman] Rodel Batocabe, ay na-relieve yung kanyang security prior to the fateful day kung saan siya ay namatay, pinatay. So ito bang absence nitong mga security ni Degamo ay may pattern na parang in cahoots yung ating mga opisyales. Not basically yung mga security na naka-detail doon, but somehow kung na-relieve sila, bakit? Di ba? Sino nag-utos? At ito namang kay Governor Degamo, bakit sila wala doon?“ ani Fernandez. | ulat ni Kathleen Forbes