Nadagdagan pa ang mga baybayin sa bansa na positibo sa red tide toxin.
Batay sa abiso ng Bureau of Fisheries and Aquatic Resources (BFAR), kasama na rin sa shellfish ban ang San Pedro Bay sa Samar.
Bukod dito, patuloy pa ring pinag-iingat ng ahensya ang publiko sa pagkain ng mga shellfish na makukuha sa mga karagatan Dauis at Tagbilaran City sa Bohol; Dumanquillas Bay sa Zamboanga del Sur; at Lianga Bay sa Surigao del Sur na nananatiling positibo sa red tide.
Ligtas namang kumain ng mga isda, pusit, hipon at alimangong huli o nagmula sa nasabing karagatan, basta mahugasan at maluluto itong mabuti. | ulat ni Merry Ann Bastasa
