Niyanig ng magkasunod na lindol ang probinsya ng Davao Occidental ngayong umaga.
Unang tumama ang magnitude 5.3 na lindol sa Sarangani Island sa Davao Occidental bandang 5:25 ng umaga.
Tectonic ang origin nito at may lalim itong 13 kilometro.
Bunsod nito, naitala ang instrumental intensity 1 sa Don Marcelino, Davao Occidental at Malungon, Sarangani.
Sumunod naman ang isang magnitude 4 na lindol sa Balut Island sa Davao Occidental bandang 5:49 ng umaga.
Wala namang inaasahang pinsala ang Phivolcs kasunod ng lindol. | ulat ni Merry Ann Bastasa
