Iniurong na ng Commission on Elections (COMELEC) ang nakatakda na sanang petsa ng paghahain ng kandidatura ng mga tatakbo sa barangay at sangguniang kabataan, o SK election.
Sinabi ni COMELEC Chairman George Garcia na sa halip na sa July 3 hanggang 7 ang paghahain ng Certificate of Candidacy o COC ay sisimulan ito mula August 28 hanggang September 2 o 6 na araw mula Lunes hanggang Sabado.
Paliwanag ni Atty. John Rex Laudiangco, tagapagsalita ng COMELEC, ito’y matapos na hilingin ng mga senador ang pagkunsidera ng COMELEC na iatras ang petsa ng BSKE.
Ito’y sa katwiran na maaaring maagang tumaas ang tensyon sa mga kandidato sa halalan. I via Paula Antolin
