Nagpadala ng eksperto ang France para tumulong sa oil spill cleanup operations sa Oriental Mindoro.
Ayon sa French Embassy sa Manila, isinagawa ni Mr. Mikaël Laurent ang kanyang misyon sa bansa mula March 16 hanggang March 29, para sa Center for Documentation, Research and Experimentation on Accidental Water Pollution (CEDRE), ang French environmental agency na naka-base sa Brest-France.
Dito’y nakilahok si Laurent sa planning meetings kasama ang Philippine Coast Guard, Department of Environment and Natural Resources (DENR), mga lokal na awtoridad, at pribadong kontratista, kabilang ang French company Le Floch Depollution.
Pinayuhan din ni Laurent ang mga oil spill responders sa pinaka-epektibong paraan upang mabawasan ang “waste” na likha ng cleanup operations.
Ayon sa French Embassy, ang misyon ni Laurent na pinondohan ng French Development Agency (AFD) at Expertise France, ay bahagi ng “long-term support” ng Pransya sa pangangalaga ng kapaligiran at biodiversity sa Pilipinas. | ulat ni Leo Sarne
![](https://radyopilipinas.ph/wp-content/uploads/2023/03/IMG-d42f9848e2d9b3baf6f7074b55d6389c-V-1024x577.jpg)