Sinabi ni Department of Justice (DOJ) Secretary Jesus Crispin Remulla, na naaresto na ang isa pa sa suspek o main player na nagtatago kaugnay sa pagpaslang kay Governor Roel Degamo, at wala na sa loob ng Negros Oriental.
Maliban sa pagkumpirma ni Remulla sa karagdagang suspek na naaresto, wala ng iba pang detalyeng nasabi patungkol sa inarestong suspek.
Itinuturing na ni Remulla, na halos 99 percent nang naresolba ang kaso ng pagpaslang kay Degamo.
Dahil dito, hindi natuloy ang nakatakda sanang pagsasampa ng kaso sa mga pangunahing suspek sa Degamo case.
Habang dalawa hanggang tatlo pang mastermind sa naganap na Pamplona Massacre, ang patuloy na pinaghahanap ng mga otoridad.
Aabot namn sa 11 o 12 mga suspek sa pagpaslang kay Degamo ang nasa kustodiya ng National Bureau of Investigation (NBI). | ulat ni Paula Antolin
