Sa papasok na Abril ay posibleng mabili na sa mga Kadiwa Ng Pangulo ang mga nakumpiska na mga smuggled na asukal.
Sa ambush interview kay Sugar Regulatory Administrator Board Member Pablo Luis Azcona, sinabi nitong napag– usapan na nila nuong isang linggo ang patungkol sa documentation at legalidad ng mga nakumpiskang kontrabandong asukal.
Sa sandaling maayos na ang mga papeles sabi ni Azcona ay maaari ng maibenta ang mga kumpiskadong produkto.
Tiniyak naman ni Azcona na daraan sa kaukulang sanitation process ang mga nasamsam na puslit na asukal upang matiyak na ligtas ito for public consumption.
SRA din ayon kay Azcona ang magsasagawa ng proseso sa pagtiyak na ligtas ang mga asukal na ibebenta at kabilang sa proseso ang pagdaan ng mga kumpiskadong asukal sa chemical analysis. | ulat ni Alvin Baltazar
